أكيد بتهزري

أكيد بتهزرى

-----------
وسط همومي قاعد حزين في ضلمة غيومي
وخيوط الأمل إتقطعت ودمعة شجن في عيني إتجمعت

مافضلش غير صوت للحزن وصوت للرياح
وطويت نفسي على نفسيولملمت الذكريات المليانين جراح

وبكل الشجون غمضت العيون على دمعه بتغلي
ومكنتش أعرف إن عليكى بهون وانتي على قلبي بتغلي

وفجأه جيتي بـ إبتسامه بـ ضحكه بـ بنور الصباح
وكأنه عيدك وماده ايدك .. علشان أرتاح
وجايه بنفسك . وفحياتي بشمسك , بتنوري .!!

أكيد بتهزري .

إرجعي بذكرياتك وبعقلك . كنت بنتهيلك وببدألك
كنت ببقى في حضن قلبك .. وبشتاقلك
وإنتي في حياتى بتدمري

جايه دلوقتي بعد ما انتهى وقتي
قال أيه .. حنيتي واشتقتي ... وبتستغفري .!!

أكيييد بتهزري .

ارجعي بسنينك وسيبي عينك .. تشوف
هتلاقي حبيب من غيرك غريب . ليكى حنينه وإنتي وردايا على جبينه
ونادى ... ياااااااااه
يا كل الحروف .. إنسجي أجمل رسالة حُبْ
يعني كنتي حياته وهو بالنسبالك مختفي ومحذوف

كان كل همه يسهلك الصعب
وإنتي فى حلمه بتكسري

وراجعه بـ طيبه بـ دور الحبيبه وتايهه وغريبه
وقال أيه بتشعري وتتأثري . !!

أكييييييد بتهزري .

نسيتي أوام كل الأيام .. إللى معاكي عدت .؟!
نسيتي الحنين وأحلام السنين .. إللى بإديكى إتهدت .؟!

نسيتي ألف ألف دمعه عليكي .. نزلت .؟!
حتى أحلى حاجه ليكى فـ عمري .. فضلت
فيها بتمرري .!

ودلوقتي رجوعك وفـ عينك دموعك وقايده شموعك
قال أيه . إللى كنتي عليها بتسهرى .!!

أكييييد ... أكيييييييد ... بتهزري .

راسمه الفرح في حياه فيها كل شىء بنور ودهبي
ناااسيه الجرح والآه والحزن المحفور في قلبي
إللى إنتي سببه وإللى إنتي فيه بتكتري .!

ودلوقتي قدامى واقفه مدمعه ومرعوبه وخايفه
قال أييييه .. ندمانه وأسفه . وفيها بتكرري .!!
لا .. لااا

أكيييد بتهزري .

بجد بشهدلك ...
مثلتي دورك ببراعه
بجد بسقفلك .. فعلا
ملامحك بريئه . وفى الأصل غشاشه وخداعه

بس بجد آسف
دلوقتي خلاص تخسري .

من الخداع الجرح كبير
من الاوجاع كان الصراخ كتير
يعنى من كتر الآلام تقدرى تقولى بقيت خبير !

يعنى ما تستغربيش لو كشفت كدبك
ومتخافيش مش هرد العذاب لقلبك
أهو يمكن فـ يوم أفتكر إني كنت بحبك !!

.
ولا حزين عليكي ولا منك
ولا من سنين عايشينها
أنا بس حزين على نفسي ومنها
إللى رمتني وسط .. العذاب

.
مالكيش دعوة بحياتي
سيبي حزني ودمعي وسكاتي
إمشي بنورك وضيك إللى زيك .. كدااااب

.
وبلااااش تاني تهزري

.
وكفايه لحد كدا .. كفايه بجد كدا
لأنك في نظري

بتصغري ..

بتصغري ..

بتصغري .

.. " بجملة " ..

أحزان ملهاش حدود ... دموع عارفه طريقها على الخدود

جناين أشجار وورود

و ... دبلت

فرحه إستنيتها ومجاتش ... إنسانه ناديت عليها ما رديتش

سمعت ندايا . وقالت ما سمعتش!

يلا .. علشان تبقى كملت

حبــــــــــايب وخانـــــــوا ... قصدى اللي كــــانـــــوا

دنيا وبشر

أيام وقدر

الكل عليا

مافيش حاجه ليا

فضلت

يلاااا

بجملة

آه

بجملة

يلا بجملة الدموع .. ماهو كله من الحكايه

لو ما إنطفتش الشموع لابد من النهايه

يلااااا بجملة آلامي .. بلا يا دنيا زودي أوهامي

عشت اللى فات في حزن . مش لاقى يا دنيا حضن

أكيد هعيش وحيد بقية أيامي

أصحابي كلهم

وحبايبى كلهم

إللي أكتر من نفسي بحبهم

منهم أنا بتوهم !!

الناس بحالهم

جراحي تحلالهم

من قلبي بصفالهم

لكن

عنهم بعدوني

وف عز صدقي كدبوني

وأنا اللى كنت ليهم

شمسهم وهلالهم !!

من كتر إللي خانوا هزمني يأسي

خايف أدور ألاقي في وسطهم نفسى

يلا .. يعني هي جات عليها !؟

لو خانت ... خانت ... خليها

يلاااااااااااا

علشان تبقى

كـــمـــلـــت

مافيش حاجه فضلت

وأقولها من قلبي

يلااااااا

بجملة

أستنيت أيام فرحي ومجاتش

أيام حزن من البدايه ما إتبدلتش

أنا مستغرب

أزاى كل ده وقلبي لسه مامتش ؟؟؟

لسه مامتش !!!!

----------

بقلم : إمبراطور العذاب ...؛؛

.. من " غبائى " صدقت ..

.. من " غبائى " صدقت ..

بعدَ أحزان ملأتْ سنين غابره

إبتسمتْ الحياه فبدتْ كـ حسناءٍ ساحره

فطار قلبى باسما راقصا على أنغام ٍ صامته

دون أن أدرى أنها تبتسم مني ساخره

تتلاعب بي طوال الوقتْ

وأنا ... من غبائى صدقتْ

أيعقل أن تبتسم الدنيا هكذا .؟!!!!

أنسيتُ حقا يا هـــذا .؟!!!!

أن أبواب السعاده مُوصّده

فقط سُبُلَ آلآلام لى مُحدده

فعلمتُ حقيقة مـــؤكده

أن للأفراح حسابات أخرى مُعقده

ألآن تأكدتْ

ولكنّي للحظه .. من غبائى صدقتْ

أيعقل أن تسعد تلك العيون الباكيه بدموعها المُجدده .؟!

حتى إني أرى طُرقُ الموت نفسها غير مُمَهده .!!

لكَ فقط أن تُشْل أطرافك وتُطمّس ملامحك وأوصافك المُنهكه المُجهده

فرأيت فى الافق المحرقه لِتُلقى فيها احلامى الممزقه ألمنبوذه المُبعده

فاحترقتْ أحلامي ومعها إحترقت

ولِـ ... إبتسامتها .. من غبااااائى صدقت

تطاردنى بلا كلل وتسحق الامل بلا هواده

لا هروب .. هذه شمسى .. جهة الغروب تتهادى

فَزُرِعَ اليأسُ فى أعماق النفسُ فآتى طرحه وزياده

ألذلك القلب البائس سعاده ..؟؟!!

الآن فهمت وبعينى رأيت

وأن ما حدث كان فقط .. أني .؛

.. من " غبائى " صدقت ..

لا ملهاش نصيب معايا

مبقلهاش أحلام جوايا

مقدرناش مع بعض نكمل

مقدرناش نقوى ونتحمل

حلم جميل ورحيل ونهايه

حلم جميل ورحيل ونهايه

... إفهم بقى ...

=======

" افهم بقى "
-----------
هو .. هى .. هُمَّ .. كل دول ... يفرحوا
طيب وانا .؟! .. أنا ... لو تسمحوا
إنت .؟!! .. إنت لا ... انت بس اشجار حزنك يطرحوا
ليه ..؟!! .. فى افراحى وطموحى ... بتدبحوا .؟!
نصيبك كده .. الم .. ودمع ... وشقى .
وبعدين معاك يا قلبى
ما تفهم بقى ..
افهم بقى

.
كل الخضره دبلت
بقت حياتى صحراا .. وفضلت
الفرحه فيها سراب
اجرى وانا عطشان الاقى الفرحه اصلها احزان بس متزوقه
يا قلبى ما تفهم بقى ..
افهم بقى

.
احلام بتموت وتتقتل
والامل باليأس بيتبدل
والامانى متفرقه
ارجوك
افهم بقى
ما تفهم بقى

.
الطريق بيطول وبيصعب .. قرب يبقى مستحيل
او يمكن بقى .. بس مش لاقى غيره بديل
بكذب على نفسى والاكاذيب متصدقه
ما .. ما تفهم بقى

.
انت مالكش فرح
متحاولش خلاص
ومتعافرش اصل انا اتعودت على الجرح
نيران ونسيان و .. هجر
اشجان واحزان و .. غدر
ول لياليا سهرانه عنيا
تبكى لحد الفجر
وعاااادى ولا حد دارى
اما ايامى ونهارى
احتمال ضعيف بيعانى الموت
إنى ابتسم .. لكن الاعماق
فى بحور الحزن متغرقه
لسه ما فهمتش ..؟ حراااام عليك
ما تفهم بقى

.
هقولهالك من الاخر وياريتك تفهم
انت تحزن وتتألم وتصرخ بصمت وتتندم
تفضل تبنى احلام طول الايام والاخر الاحلام تتهدم
بإختصار وبدون قناع او نقاب
انت يا قلبى قلب " أمير العذاب "
امير بس امير الالام ليه متشوقه
هه
اااااافهمممممممممم بقى

======

بقلم : أميـــر العذاب ..؛؛

من الطبيعى

من الطبيعى

---------

تخونى وتظلمى .. من غير ما تفهمى بتحكمى

بتستمتعى لما بتألمى

وتجرحى وتبيعى .. يبقى من الطبيعى
انك وسط نفسك إنتى تضيعى

.

جرحى ودمعى وحزنى .. شىء عادى عندك

عند انسانه ملهاش احاسيس ولا مشاعر

مهمهاش تدوس على كل المشاعر

يبقى دا قلبك

الغادر

.

كان قلبى دايما فى حضنك

ما إتسببش أبدا فى حزنك

يبقى من الطبيعى انك ما تخونيش

لكن كنتى .. شىء غير عادى وخنتى

ومحبتيش

.

آسف علشان آمنت

وبكل ما فيا عمرى ما خنت

وحزنت على خاين وياريتنى ما حزنت

.

ع الفرح انا بتحايل

من الحزن القلب مايل

الحلم عالى والكف مش طايل

.

ايه نهاية الطريق لما تدوسى على كل شىء

على الغالى والرخيص

يبقى المصير

حزن مالوش بديل

ملقتيش لبرائتك دليل

وده طبعـــــــا

طبيعى

..

.

.

انتى اكيد مش طبيعيه

الطبيعى فيكى انك انانيه

انا خنت قلبى وعنيا

لانى حبيت

.

وادى حزن كمان ظهرلى

ما انا كنت فى حالى اسهللى

ما كانتش ذكرى مُره تفضلّلى

واقول ياريتنى ما هويته ياريت

ياريت

.

-------

بقلم : أميـــر العــذاب ..؛؛

أول تاج وان شاء الله اخر تاج .. يا هادى يارب

السلام عليكم

التاج الاول

وصل من الاخت الكريمه

" ومازلت اتعلم "

صاحبة مدونة

تحمل نفس اسمها

( غاويه لخبطه )

ههههههههه

نخش على اول سؤال

.

.

أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟

اولا : بجد كان نفسى احفظ القرآن الكريم اوووووووووى

وحاولت كتييييييييير جدا والله وبصدق

وربنا اكرمنى وحفظت ربعه

بس للاسف

مع الشغغغغغغغل الكتير

والظروف المحيطه

لم اتقدم بل تأخرت .. دعواتكم ان اعود

ثانيا : كان نفسى اوووى ادخل كليه .. اى كليه

المهم كنت عاوز اشارك .. ويكون ليا اصحاب

من الجامعه

لكن الحمدلله على كل حال

ثالثا : بحلم ومازلت اتعلم .. هههههه .. اقصد ومازلت احلم

ان يصل كلامى للنور .. ولو مره واحده

وان شاء الله لن يموت الحلم

رابعا : نفسى يكون عندى فرس ... ويكون اجمل فرس فى مصر

او على الاقل المحافظه

واجرى بيه بقى وسط الخضره

ولو ينفع جهاد بيه ... يااارييييييت

خامسا : كان اتمنى .. انى اتجوز الانسانه اللى حبيتها

لكن القدر ... ربنا يسعدها

أذكر خمس أحلام على الأقل ..تخص مستقبلك

الاول : زوجه صالحه .. وما يترتب بعد ذلك

الثانى : الحلم الماضى والذى استمر معى وسيستمر

ان يظهر كلامى للنور

وللعلم .. انا كتبت قصه .. وفازت بالمركز الثانى

فى الجامعه ... كانت احدى الاخوات استأذنتنى

واشتركت بيها .. وللاسف عرفت منها بعد كده

انها غيرت فيها حاجات

بجد لو ما كانتش غيرت فيها .. كانت جايز جدا تفوز بالمركز الاول

عموما الحمدلله

الثالث : نفسى اوى ازرع ارض فى الجبل

واعيش فيها مع نفسى شويه

الرابع : حلم حلو اوى ... وهو انى اتقابل بكل الناس اللى حبيتهم

على النت .. وكمان اقابل اصحابى اللى ما شوفتهمش من زمان

الخامس : بحلم كل يوم انى احج .. وأموووت على طااااااااعه

يارب لا تميتنى الا على طاعه

اللهم آآمين

أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ؟

والله فكرت كتييييير

ما لقيتش اشخاص

متواجدين معايا فى الواقع

ومش عاوز اذكر حاجه غير الاشخاص

احتراما لتحديدها فى السؤال

أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا .. ؟

بصراحه دوووووول كتيييييييييييير اوى

الاول : صديق .. بمعنى كلمة صديق

الثانى : إمرأه ... تتحقق فيها مقولة

" وراء كل عظيم إمرأه "

اصحابى ش وهـ

مش فاهم .. ومش متأكد اذا كان سؤال ولا لأ

عموما انتظر توضيح

أمرر التاج لـ

لـ لا احد

لان حضرتك ( ومازلت اتعلم )

خلصتى كل المدونين

هعمل ايه يعنى

ابعته لحضرتك تانى ..؟؟

!!!

كده الحمدلله التاج انتهى

ويارب الاجابات دى تعجبكم

تحياتى يا احبابى ..؛؛

-------------

أمير العذاب

": يلا نرجع :"

==========

السلام عليكم ورحمة الله وبركاته
--------------


=======
لابد من كسر تلك الحاله من الحزن الذى يملأ مدونتى
والتى ربما جعلتكم تشعرون بالملل من كتاباتى
او ربما منى انااا
فجاءت تلك الكلمات
بادره .. لتلك الابتسامه وذاك الامل
لكى نعود الى فرحتنا التى تصارع الموت
لاجل ذلك اقول لكم

------
يلا نرجع
----------

مش هلومك على بعدنا
مش انت لوحدك سبب دمعنا

.
من النهارده اوعى تدمع
هقولك على حاجه اسمع

.
تقربنا لبعضنا
يلا .. يلا نرجع .. يلا .. يلا
نرجع

----
يلا نبدأ يلا نكافح
يلا ننسى الام امبارح
يلا الايد فى الايد
يلا ننسى بقى ونسامح

=====

اوعى تانى اوعى تسيبنى
خليك دايما حاببنى
يلا نتحدى العالم
حتى لو هو يهدم واحنا نبنى

-----

يلا قدامنا المستقبل
يلا قبل ورودنا ما تدبل
يلا خلى عنيك فى عنيا
بغيرك انا مش هقبل

--------

يلا نمشى طريقنا بسم الهادى

يلا على الفرحه ننادى
يلا يا نصيبى دا انت كفايه يا حبيبى
انا بيك مش بس راضى

دا انا من الفرحه طاير
بس .. انت ارجع
وتهل البشاير
على الدنيا والشمس تطلع

يلااااااا
يلا
نرجع

...

يلا نعيش مع القمر وضيّه
دا اليوم اللى هيروح مش هيجى تانى زيّه

.........
يا حبيبى مد ايدك
يا حبيبى هفضل حبيبك
ولو اطوول اجيبلك نجوم السما هطلع
يلاااا بقى

يلا نرجع

-----------

بقلم : أميــر الامل ..؛؛

.." ســــامحينى "..

==========

.." ســامحينى "..

============

-----------

انا آسف وسامحينى . بقولها وانا مطاطى

انا آسف يا نور عينى . ماقدرتش اكمل حياتى

-----

بقولها وانا برتعش

وصوتى منها بيتخدش

...

بقولها علشان انا الانسان

اللى متحملش

...

انتى بريئه مالكيش اى ذنب

هى دى الحقيقه انا اللى كسرت الحب

------

انتى ما خسرتيش عليا ما تدمعيش

انا اللى خسرت

...

كان المفروض تنادينى اسمع واجيلك وارجع

بس انا اللى اتاخرت

--------

انا اللى مقدرتش .. كان لازم اعمل اكتر من كده

حتى لو كان ... المستحيل

آسف اوى

انى كنت ضعيف وهزيل

...

سامحينى ... انا اللى ضعفت

هتفيد بأيه كلمة انا غلطان

او مليوووون إتأسفت ؟؟

---===---

كان نفسى اوصل بيكى لبر امان

ونعيش حياه كلها الوان

-----------

------------

لكن اول موجه من بحر غادر

ضعفت غرقت ما كنتش قادر

كان نفسى اشيلك بين اديا

جوووه عنيااا

واعدى بيكى لـ أحلى دنيا

بس كان نَفَسىّ قصير

بسببى الحب الحلو اتمرر

الورود والزهور والخضره .. كل شىء اتغير

-----------

انا اللى بقولها وعلى عينى

عيشى حياتك مع غيرى

بقبل ما تمشى سامحينى

-------------

----------------

وماتستننيش

لانى هتأخر اوووى

وياعالم لـ أمتى هيطول تأخيرى

-------

بقولها وانا الخوف مالينى

وبحكم القدر والظروف

ارجوكى بقى

ساااااااااامحينى

ساااامحينى

--------

-----

--

بقلم : أميـــــر ألعـــذاب ..؛؛

.." اللى زيى "..

.." إللى زيىّ "..

---------

--------------------

اللى زيى انا يسكت ما يتكلمش

اللى زيى يموت ما يطلعش ليه صوت ما ينطقش

اللى زيى انا يتنسى ينتهى ما يبدأش

---------

اللى زيى لازم يرضى ويقبل
حتى لو وردة عمره وشبابه بتدبل

----------------

------------

اللى زيى حبايب عمره يخونوه

حتى امله فى الحياه يخدوه
احزانه بس اللى تفضل !!!

=====

--------

=======

اللى زيى مسموحاه بس بأهاته

ما يتحكمش حتى فى حياته !!!

ميت والاسم عايش

ملهوش حق حتى فى ذكراياته

-------

------------

الماضى زى الحاضر مافيش اختلاف

واللى جاى واضح الملامح والاوصاف

كله حزن فى حزن وشجره بالف غصن

وجراااا تتعد بـ الآلاف

----

-------

اللى زيى انا يفرح !!!!!!؟

لا ... ما أصدقش

دى جناين دموعى بتطرح

فاضل ايه من عمرى ما اتسرقش ..؟؟

انا ..؟!!! انا أبتسم ..!!!؟

ليه .؟ هو جرى فى الدنيا ايه .!!؟؟

دا انا الف مره بنهار بتقسم

وعمرى بينهار يتهدم ومين يبنيه ..؟؟

==========

اللى زيى مالوش حقوق

دا حتى ابتسامه من الزمن مسروق

باقى بس آلاااااامه يعيش عمره وأيامه

مايشفش ابدا شروق

اللى زيى دايما غلطان فى كلامه

علشان كده انا آآآآسف انا المحقوق

-------------

اللى زيى ما يخترش

اللى زيى يوافق ما يفكرش

اللى زيى ينفذ من غير كلام ما يقررش

هو كدا الحكم .. كلمة عايش دى بس اسم

--------

ايه اللى فى الدنيا دى صح ..؟؟

دا كل شىء مقلوب !!!!

عشت سنين احلم بالفرح

قالت الدنيا دا العذاب اللى فات من عمرك مش محسوب

ساعتها عرفت ان اللى زيى لازم

يسكت ... ما يتكلمش

==========

بقلم : أميـــــر العــــذاب ..؛

.. أنــا إللىَ ..

.. " انــــا اللى " ..

--------

يا أغلى حبيبه سامجينى انا السبب

أبدا مش غريبه لو الفراق علينا اتكتب

..

عارفه ليه ..؟؟

..

علشان انا اللى .. ضيعت اللى فاضلى

!!!!

..

انا اللى زرعت جراح

.. دلوقتى بجنيها

انا الى ضيعت الافراح

.. دلوقتى ببكى عليها

انا اللى عمرى ما قولت مره سماح

.. وقصور للآلام ببنيها

..

يا اعلى انسانه بعشقها

كل ذكرى لحبنا بحرقها

..

عارفه ليه ..؟؟

..

علشان انا اللى .. ضيعت اللى فاضلى

!!!!

..

انا وانتى كنا اتنين عُشاق

حب وفرح . دفى واشواق

......

وبسببى مصيرنا كان الفراق

....

انا ما استهالش منك لحظة ندم

كان فى ايدى يفضل حبنا سيبته اتهدم

فضلتى عليا باقيه . لوحدك اتحملتى الالم

....

انا اللى ظلمت نفسى وظلمتك

انا اللى فى الاول خنت نفسى و النهايه خنتك

.....

بقدملك اعترافى

وانا باكى وانا مكسور

اوعى يوم ابدا تخافى

انسى اسمى واوصافى

ابنى وراكى الف سور

....

...

إعتبرينى ذكرى مؤلمه

سيبى حياتى متهدمه

متفكريش ترجعى

اوعى فى يوم تدمعى

امشى بنورك

سيبى حياتى مضلمه

--------

انا كنت فى سعاده .. علشان انتى معايا

طفيت شموع متأده .. آه . إنسان كتب النهايه

---------

انا اللى ضيعت اللى فاضلى

سامحينى

يا شمسى

يا قمرى

يا

ضلى

--------

=====

بقلم : امير العذاب

.. مش من حقى ..

.. مش من حقى ..

مش من حقى

.مــــــــــش مــــن حقى الهــــــــــــــــــنا

.. الشعر شاب من كتر العذاب والضهر انحنى

لو كل حلو هيتمرر لو كل الدنيا هتتغير

.. بـــــــردو هفضـــــــــــــــــــــــــــل انـــــــــــــا

مش من حقى اسال .. مش من حقى اختار

انــــــا لازم اقبــــــل .. حتى لو كـــان مرار

مش من حقى السعاده .. مش مـــــــــــــن حقى اعــــــــيش

هتفيد بأيه قوة الاراده .. وشموع العذاب متأده ما بتنطفيش

كــــــــل وقــت ولـه ادان .. الا وقـــــــــــــــت فــــــــــــــرحى

دايما كل الاوقات احزان .. ولو ما كانش حزنى يبقى جرحى

مش من حقى الحب .. كل اللى سمعته كدب

على اللى انا فيه صبرنى يا رب

الدنيا الواسعه داقت .. الاحزان لقلبى اشتاقت

الكل ســـابنى ورحل .. كــــل باب مفتوح اتقفل

قولت حقى هيرجع لكن الاقدار شاءت

انه استحاله حقى يرجعلى .. ولا بال فى يوم يرتاحلى

قالت اكدت موتى اريحلى

لو عشت الف نهار .. استحاله اشوف الشمس

بقى صعب الاختيار .. مستوعـــبتش الــــــدرس

يا ترى من حــــــقى ابكى ولا الاوان فـــــات

طب لو مش من حقى ممكن ابكى من سكات

=======

ولا مبقاش من حقى

===========