.. مش من حقى ..
مش من حقى
.مــــــــــش مــــن حقى الهــــــــــــــــــنا
.. الشعر شاب من كتر العذاب والضهر انحنى
لو كل حلو هيتمرر لو كل الدنيا هتتغير
.. بـــــــردو هفضـــــــــــــــــــــــــــل انـــــــــــــا
مش من حقى اسال .. مش من حقى اختار
انــــــا لازم اقبــــــل .. حتى لو كـــان مرار
مش من حقى السعاده .. مش مـــــــــــــن حقى اعــــــــيش
هتفيد بأيه قوة الاراده .. وشموع العذاب متأده ما بتنطفيش
كــــــــل وقــت ولـه ادان .. الا وقـــــــــــــــت فــــــــــــــرحى
دايما كل الاوقات احزان .. ولو ما كانش حزنى يبقى جرحى
مش من حقى الحب .. كل اللى سمعته كدب
على اللى انا فيه صبرنى يا رب
الدنيا الواسعه داقت .. الاحزان لقلبى اشتاقت
الكل ســـابنى ورحل .. كــــل باب مفتوح اتقفل
قولت حقى هيرجع لكن الاقدار شاءت
انه استحاله حقى يرجعلى .. ولا بال فى يوم يرتاحلى
قالت اكدت موتى اريحلى
لو عشت الف نهار .. استحاله اشوف الشمس
بقى صعب الاختيار .. مستوعـــبتش الــــــدرس
يا ترى من حــــــقى ابكى ولا الاوان فـــــات
طب لو مش من حقى ممكن ابكى من سكات
=======
ولا مبقاش من حقى
===========
هناك 9 تعليقات:
السلام عليكم
اولا نقول مروك ع المدونه الجديده
وكمان شكلها حلو اوى
بجد ذوقك حلو فى اختيار القالب الرقيق ده
والبوست جميل اوى بس طبعا كلامه صعب اوى
كتير مننا بنحس بجد بنفس الاحساس ده
بس احساس صعب اوى اما تحس ان فى حاجات كتير مش من حقك
تحياتى ليك
وعليكم السلام اختنا الكريمه
وربنا يبارك فى حضرتك يارب
وحقيقة الاجمل هو تعليقكم الجميل
ربنا يكرمك
وبصراحه هى احاسيس صعبه جداااا
ربنا يسعدك اختنا ويكتب لكم الفلاح
اسعدتنا زيارتكم الكريمه الى مدونتنا
المتواضعه ..
تحياتى ليكِ ...
----------
لسلام عليكم ورحمة الله وبركاته
أسعدنى مرورك لمدونتى
ويشرفنى المرور عندك اخى الفاضل
البوست مش من حقى
صعب قووى اخى
وبجد حسيت كل كلمه فيه
والحقيقه إن معتش حاجه أسمها حب بالزمن ده
كله ضحك وأنا كنت ضحية وهم أسمه حب
وياليتا قلوب الناس مثل قلبى
الحمد لله
مبروك على المدونه الجميله دى
ومزيد من التوفيق والتقدم
تقبل تحياتى واحترامى
البوست جميل بس بتقسي على نفسك ليه
ان شاء الله فترة وهتعدي وهترجع تجس بالحياة وبجمالها
ربنا يوفقك يارب
السلام عليكم
يا رب علي تلك الحالات التي تمر بالانسان
ضحي من اجل الناس
ومن أجل فرحتهم
وهناك من يبخل عليه بهذه الفرحة
أحب وباخلاص واطمن
وكان خطواته البعد والوصل
تسكنا الاحزان
نتمرد عليها
هل نختار
أم سيوصلنا طريقنا الي الانهيار
فنحتار
جنة ونار
والم ودمعة تحمل أسرار
عاشقة الاحزان .
وعليكم السلام اختنا الكريمه .
انا بتأسف يا جماعه على التأخير
والله النت كان فاصل ... منه لله .
وطبعا بشكر حضرتك جدااا على الزياره الغاليه وانا اللى اتشرف بالطبع
بس على فكره فى حاجه اسمها الحب
ولو كنتى يوم ضحيه لكدبه او خدعه
مش معنى كده ان مافيش حب ..
بصراحه انا مش عاوز اقول كلام كتيييرر
على الفاضى بس هقولك
مثلااا ... ولله المثل الاعلى .
لو مسلم غشاش وكذاب .. فهل معنى هذا انه لا يوجد اسلام ..؟؟
ام انه فقط عبر عن نفسه ولا يعبر عن الاسلام
فالاسلام برىء منه ومن امثاله ..
فكذلك الحب .. برىء من المخادعين وغيرهم ..
والله اختنا اتمنى لك كل السعاده
والفرح .. وفقكم ربى ...؛؛؛
========
اخيكم ..؛؛
الاخت الفاضله
نواره
شرفتمونا والله اختنا
وان شاء الله كله هيعدى
سواء احزان او افراح ..
تحياتى لكِ
اخيكم ..؛؛؛
بسم الله ..
حسونه
بجد اسعدتنى زيارتك جداااااا
ربنا يكرمك ويبارك فيك ..
وشكرا على كلامك اللطيف والمعبر جدااا
لا حرمنى الله من زياراتكم وتعليقاتكم
تحياتى لك ..؛؛؛
------------
your blog is very fine
إرسال تعليق