الأحد، 24 يناير 2010

.." نفسي أقول لها "..


نفسي أقول لها

نفسي اقول لها .. مش بس بحبها


نفسي أعرّفها باللى قلبى قاله أول ما شافها

.. هى دي اللى عشقتها !! ..

--------

نفسي اقول لها

نفسي

آه

نفسي اقول لها

نفسي اقول لها

محدش هيحبها

أدّي

دا أنا إللي قطفت

وردي

وقدمته هديه لها

نفسي ... نفسي .. أقوووول لها

هي دي
إللي انا حبيتها .. بس دي عاااليه أوي فوووق

هي إللى حلمت بيها واتمنتها .. لكن إسكت يا قلبي ماتبصش لفوق

دي كأنها فـ السما .. !! مافيش فـ الارض زيها


بس


نفسى

اقول لها مش بس .. بحبهاااااااا

نفسي أثبت .. أقول وأكد .. إنهاااا

حب عمري .. دق قلبي .. بحروف إسمها ..!!

كان فاااضل بس ينطق .. وأنا خايف أبدأ

وبالسر أبوح لهاااا

===---===---===

آه لو تحس .. بعيون بتسهر .. وعقل بيفكر .. وقلب دااايب بيحب

آه لو تعرف إنها في نظري . عاليه . كبيره . وملكة وأميرة على عرش القلب

لو مصيرها غير مصيري .. لو نصيبها مع غيري .. إسعدها يا رب .


دا أنا كفايه عليا أشوفها في سعاده

دا أنا أكون فرحان لفرحها .. لالا لأ . وزياده .!

لو هي مش عارفه بحبي لها

يبقى كفايه عليا لوحدي أحبها

دا أنا لو بإديا أديها عنيا

وعمري على عمرهاااا

بس لو ينفع . أعلى صووووتي وتسمع


بحبببببببببهاااااااااااااااااااااا


بس صوتي عنها بعيييد

يااه لو تحس .. بيا بس يبقى عندى يوم عيد

وهفضل بفرحة عمرى مديون لها


أيوه .. وليه لأ .. هو دا الحق

من غيرها السعاده ما تعرفنيش

من غيرها قلبي فاضي ميساويش

أنا عارف إنها مش نصيبي

بس تيجي الفرصه

علشان بس أقول لها


من كل قلبي

..

..

..

.

" بحبها "



بقلم : أمير الحب ..؛؛

الثلاثاء، 22 ديسمبر 2009

أكيد بتهزري


أكيد بتهزرى
-----------
وسط همومي قاعد حزين في ضلمة غيومي
وخيوط الأمل إتقطعت ودمعة شجن في عيني إتجمعت

مافضلش غير صوت للحزن وصوت للرياح
وطويت نفسي على نفسيولملمت الذكريات المليانين جراح

وبكل الشجون غمضت العيون على دمعه بتغلي
ومكنتش أعرف إن عليكى بهون وانتي على قلبي بتغلي

وفجأه جيتي بـ إبتسامه بـ ضحكه بـ بنور الصباح
وكأنه عيدك وماده ايدك .. علشان أرتاح
وجايه بنفسك . وفحياتي بشمسك , بتنوري .!!

أكيد بتهزري .

إرجعي بذكرياتك وبعقلك . كنت بنتهيلك وببدألك
كنت ببقى في حضن قلبك .. وبشتاقلك
وإنتي في حياتى بتدمري

جايه دلوقتي بعد ما انتهى وقتي
قال أيه .. حنيتي واشتقتي ... وبتستغفري .!!

أكيييد بتهزري .

ارجعي بسنينك وسيبي عينك .. تشوف
هتلاقي حبيب من غيرك غريب . ليكى حنينه وإنتي وردايا على جبينه
ونادى ... ياااااااااه
يا كل الحروف .. إنسجي أجمل رسالة حُبْ
يعني كنتي حياته وهو بالنسبالك مختفي ومحذوف

كان كل همه يسهلك الصعب
وإنتي فى حلمه بتكسري

وراجعه بـ طيبه بـ دور الحبيبه وتايهه وغريبه
وقال أيه بتشعري وتتأثري . !!

أكييييييد بتهزري .

نسيتي أوام كل الأيام .. إللى معاكي عدت .؟!
نسيتي الحنين وأحلام السنين .. إللى بإديكى إتهدت .؟!

نسيتي ألف ألف دمعه عليكي .. نزلت .؟!
حتى أحلى حاجه ليكى فـ عمري .. فضلت
فيها بتمرري .!

ودلوقتي رجوعك وفـ عينك دموعك وقايده شموعك
قال أيه . إللى كنتي عليها بتسهرى .!!

أكييييد ... أكيييييييد ... بتهزري .

راسمه الفرح في حياه فيها كل شىء بنور ودهبي
ناااسيه الجرح والآه والحزن المحفور في قلبي
إللى إنتي سببه وإللى إنتي فيه بتكتري .!

ودلوقتي قدامى واقفه مدمعه ومرعوبه وخايفه
قال أييييه .. ندمانه وأسفه . وفيها بتكرري .!!
لا .. لااا

أكيييد بتهزري .

بجد بشهدلك ...
مثلتي دورك ببراعه
بجد بسقفلك .. فعلا
ملامحك بريئه . وفى الأصل غشاشه وخداعه

بس بجد آسف
دلوقتي خلاص تخسري .

من الخداع الجرح كبير
من الاوجاع كان الصراخ كتير
يعنى من كتر الآلام تقدرى تقولى بقيت خبير
!

يعنى ما تستغربيش لو كشفت كدبك
ومتخافيش مش هرد العذاب لقلبك
أهو يمكن فـ يوم أفتكر إني كنت بحبك
!!
.
ولا حزين عليكي ولا منك
ولا من سنين عايشينها
أنا بس حزين على نفسي ومنها
إللى رمتني وسط .. العذاب
.
مالكيش دعوة بحياتي
سيبي حزني ودمعي وسكاتي
إمشي بنورك وضيك إللى زيك .. كدااااب
.
وبلااااش تاني تهزري
.
وكفايه لحد كدا .. كفايه بجد كدا
لأنك في نظري

بتصغري ..
بتصغري ..
بتصغري .

الاثنين، 7 ديسمبر 2009

.. " بجملة " ..

أحزان ملهاش حدود ... دموع عارفه طريقها على الخدود
جناين أشجار وورود
و ... دبلت
فرحه إستنيتها ومجاتش ... إنسانه ناديت عليها ما رديتش
سمعت ندايا . وقالت ما سمعتش!
يلا .. علشان تبقى كملت
حبــــــــــايب وخانـــــــوا ... قصدى اللي كــــانـــــوا
دنيا وبشر
أيام وقدر
الكل عليا
مافيش حاجه ليا
فضلت
يلاااا
بجملة
آه
بجملة
يلا بجملة الدموع .. ماهو كله من الحكايه
لو ما إنطفتش الشموع لابد من النهايه
يلااااا بجملة آلامي .. بلا يا دنيا زودي أوهامي
عشت اللى فات في حزن . مش لاقى يا دنيا حضن
أكيد هعيش وحيد بقية أيامي
أصحابي كلهم
وحبايبى كلهم
إللي أكتر من نفسي بحبهم
منهم أنا بتوهم !!
الناس بحالهم
جراحي تحلالهم
من قلبي بصفالهم
لكن
عنهم بعدوني
وف عز صدقي كدبوني
وأنا اللى كنت ليهم
شمسهم وهلالهم !!
من كتر إللي خانوا هزمني يأسي
خايف أدور ألاقي في وسطهم نفسى
يلا .. يعني هي جات عليها !؟
لو خانت ... خانت ... خليها
يلاااااااااااا
علشان تبقى
كـــمـــلـــت
مافيش حاجه فضلت
وأقولها من قلبي
يلااااااا
بجملة
أستنيت أيام فرحي ومجاتش
أيام حزن من البدايه ما إتبدلتش
أنا مستغرب
أزاى كل ده وقلبي لسه مامتش ؟؟؟
لسه مامتش !!!!
----------
بقلم : إمبراطور العذاب ...؛؛













السبت، 19 سبتمبر 2009

.. من " غبائى " صدقت ..








.. من " غبائى " صدقت ..
بعدَ أحزان ملأتْ سنين غابره
إبتسمتْ الحياه فبدتْ كـ حسناءٍ ساحره
فطار قلبى باسما راقصا على أنغام ٍ صامته
دون أن أدرى أنها تبتسم مني ساخره
تتلاعب بي طوال الوقتْ
وأنا ... من غبائى صدقتْ
أيعقل أن تبتسم الدنيا هكذا .؟!!!!
أنسيتُ حقا يا هـــذا .؟!!!!
أن أبواب السعاده مُوصّده
فقط سُبُلَ آلآلام لى مُحدده
فعلمتُ حقيقة مـــؤكده
أن للأفراح حسابات أخرى مُعقده
ألآن تأكدتْ
ولكنّي للحظه .. من غبائى صدقتْ
أيعقل أن تسعد تلك العيون الباكيه بدموعها المُجدده .؟!
حتى إني أرى طُرقُ الموت نفسها غير مُمَهده .!!
لكَ فقط أن تُشْل أطرافك وتُطمّس ملامحك وأوصافك المُنهكه المُجهده
فرأيت فى الافق المحرقه لِتُلقى فيها احلامى الممزقه ألمنبوذه المُبعده
فاحترقتْ أحلامي ومعها إحترقت
ولِـ ... إبتسامتها .. من غبااااائى صدقت
تطاردنى بلا كلل وتسحق الامل بلا هواده
لا هروب .. هذه شمسى .. جهة الغروب تتهادى
فَزُرِعَ اليأسُ فى أعماق النفسُ فآتى طرحه وزياده
ألذلك القلب البائس سعاده ..؟؟!!
الآن فهمت وبعينى رأيت
وأن ما حدث كان فقط .. أني .؛
.. من " غبائى " صدقت ..
لا ملهاش نصيب معايا
مبقلهاش أحلام جوايا
مقدرناش مع بعض نكمل
مقدرناش نقوى ونتحمل
حلم جميل ورحيل ونهايه
حلم جميل ورحيل ونهايه

السبت، 20 يونيو 2009

... إفهم بقى ...


=======

" افهم بقى "
-----------
هو .. هى .. هُمَّ .. كل دول ... يفرحوا
طيب وانا .؟! .. أنا ... لو تسمحوا
إنت .؟!! .. إنت لا ... انت بس اشجار حزنك يطرحوا
ليه ..؟!! .. فى افراحى وطموحى ... بتدبحوا .؟!
نصيبك كده .. الم .. ودمع ... وشقى .
وبعدين معاك يا قلبى
ما تفهم بقى ..
افهم بقى
.
كل الخضره دبلت
بقت حياتى صحراا .. وفضلت
الفرحه فيها سراب
اجرى وانا عطشان الاقى الفرحه اصلها احزان بس متزوقه
يا قلبى ما تفهم بقى ..
افهم بقى
.
احلام بتموت وتتقتل
والامل باليأس بيتبدل
والامانى متفرقه
ارجوك
افهم بقى
ما تفهم بقى
.
الطريق بيطول وبيصعب .. قرب يبقى مستحيل
او يمكن بقى .. بس مش لاقى غيره بديل
بكذب على نفسى والاكاذيب متصدقه
ما .. ما تفهم بقى
.
انت مالكش فرح
متحاولش خلاص
ومتعافرش اصل انا اتعودت على الجرح
نيران ونسيان و .. هجر
اشجان واحزان و .. غدر
ول لياليا سهرانه عنيا
تبكى لحد الفجر
وعاااادى ولا حد دارى
اما ايامى ونهارى
احتمال ضعيف بيعانى الموت
إنى ابتسم .. لكن الاعماق
فى بحور الحزن متغرقه
لسه ما فهمتش ..؟ حراااام عليك
ما تفهم بقى
.
هقولهالك من الاخر وياريتك تفهم
انت تحزن وتتألم وتصرخ بصمت وتتندم
تفضل تبنى احلام طول الايام والاخر الاحلام تتهدم
بإختصار وبدون قناع او نقاب
انت يا قلبى قلب " أمير العذاب "
امير بس امير الالام ليه متشوقه
هه
اااااافهمممممممممم بقى
======
بقلم : أميـــر العذاب ..؛؛




الخميس، 4 يونيو 2009

من الطبيعى


من الطبيعى

---------


تخونى وتظلمى .. من غير ما تفهمى بتحكمى

بتستمتعى لما بتألمى

وتجرحى وتبيعى .. يبقى من الطبيعى
انك وسط نفسك إنتى تضيعى

.

جرحى ودمعى وحزنى .. شىء عادى عندك

عند انسانه ملهاش احاسيس ولا مشاعر

مهمهاش تدوس على كل المشاعر

يبقى دا قلبك

الغادر


.

كان قلبى دايما فى حضنك

ما إتسببش أبدا فى حزنك

يبقى من الطبيعى انك ما تخونيش

لكن كنتى .. شىء غير عادى وخنتى

ومحبتيش

.

آسف علشان آمنت

وبكل ما فيا عمرى ما خنت

وحزنت على خاين وياريتنى ما حزنت


.

ع الفرح انا بتحايل
من الحزن القلب مايل
الحلم عالى والكف مش طايل
.
ايه نهاية الطريق لما تدوسى على كل شىء
على الغالى والرخيص
يبقى المصير
حزن مالوش بديل
ملقتيش لبرائتك دليل
وده طبعـــــــا
طبيعى
..
.
.
انتى اكيد مش طبيعيه
الطبيعى فيكى انك انانيه
انا خنت قلبى وعنيا
لانى حبيت
.
وادى حزن كمان ظهرلى
ما انا كنت فى حالى اسهللى
ما كانتش ذكرى مُره تفضلّلى
واقول ياريتنى ما هويته ياريت
ياريت
.
-------
بقلم : أميـــر العــذاب ..؛؛