.. " انــــا اللى " ..
--------
يا أغلى حبيبه سامجينى انا السبب
أبدا مش غريبه لو الفراق علينا اتكتب
..
عارفه ليه ..؟؟
..
علشان انا اللى .. ضيعت اللى فاضلى
!!!!
..
انا اللى زرعت جراح
.. دلوقتى بجنيها
انا الى ضيعت الافراح
.. دلوقتى ببكى عليها
انا اللى عمرى ما قولت مره سماح
.. وقصور للآلام ببنيها
..
يا اعلى انسانه بعشقها
كل ذكرى لحبنا بحرقها
..
عارفه ليه ..؟؟
..
علشان انا اللى .. ضيعت اللى فاضلى
!!!!
..
انا وانتى كنا اتنين عُشاق
حب وفرح . دفى واشواق
......
وبسببى مصيرنا كان الفراق
....
انا ما استهالش منك لحظة ندم
كان فى ايدى يفضل حبنا سيبته اتهدم
فضلتى عليا باقيه . لوحدك اتحملتى الالم
....
انا اللى ظلمت نفسى وظلمتك
انا اللى فى الاول خنت نفسى و النهايه خنتك
.....
بقدملك اعترافى
وانا باكى وانا مكسور
اوعى يوم ابدا تخافى
انسى اسمى واوصافى
ابنى وراكى الف سور
....
...
إعتبرينى ذكرى مؤلمه
سيبى حياتى متهدمه
متفكريش ترجعى
اوعى فى يوم تدمعى
امشى بنورك
سيبى حياتى مضلمه
--------
انا كنت فى سعاده .. علشان انتى معايا
طفيت شموع متأده .. آه . إنسان كتب النهايه
---------
انا اللى ضيعت اللى فاضلى
سامحينى
يا شمسى
يا قمرى
يا
ضلى
--------
=====
بقلم : امير العذاب
هناك 4 تعليقات:
السلام عليكم
بجد والله العظيم انا عيطت
لاني حاسه بالموقف بجد
مفيش حاجه في الدنيا دي كلها اصعب من الفراق
انا امتحاناتي 18 /5 بسبب الموضوع دا كل ما افتح كتاب اتخنق وارميه
زهقت مش عارفه هعمل ايه في الامتحان
بس انا مش هاممني الامتحان
تصور ان انت دلوقتي فكرتني بحاجه عمري ما نسيتها
كل يوم جراحي بتزيد ياريت قلبي كان من حديد
تعرف اي محل بيتباع فيه قلوب
حتي لو اعطيه لاي حد هديه وهديله فوقه مكافأه
عاوزة اخلص من قلبي اللي هو كلبي اصلا
زهقت بجد من الدنيا دي
والكلاام جوايا اكتر واكبر
معلش رغيت كتير
بس بجد ما بصدق اي فرصه علشان اقول ولو شئ من اللي جوايا
اسفه
***********************
بجد اسلوبك هايل وطريقتك ممتازه والفكره نفسها جميله
الفراق صعب اووووووووووي بجد
جزاك الله خيرا
والي التألق وربنا يوفقك ويبعد عنك الهموم
بجد مدونتك رائعه
في رعاية الله
السلام عليكم
بسم الله ...
كيمو الاهلاوى
اهلا بك ..
وطبعا كلامك مظبوط جدااا
لازم نقف مع بعض
وان شاء الله اشارك
تحياتى ..
وشكرا للزياره الغاليه
بسم الله ..
بنوته .
وعليكم السلام
اهلا بكِ
نورتى مدونتى المتواضعه
بس لو اعرف ان كلام هيخليكى تعيطى انا مش كنت كتبته اصلا .
وطبعا اكيد انتى انسانه حساسه اوى
ورقيقه اوى
بس انا زعلان منك انك
كتبتى " اسفه "
لا والله المدونه ملكك
تتكلمى زى ما انتى عاوزه
واحنا نتشرف اننا نسمعك
بس والله انتى واهمه نفسك
احسبيها صح ... هيطلع ليكى ناتج تانى خالص
امل + اراده + مستقبل + ايمان + حب
+ حبة الم وتعب = حياه اسعد ما تكون
والله العظيم شرفتى المدونه
وربنا يكتب لكى السعاده فى الدارين
وشكرا لكِ
و .. تحاتى اختنا ..؛؛
الامير
اننى هنا بين مروج جنتك
لاستنشق من كل بستان زهرة
ارقص حاقيه القدمين لساعات وساعات
احتضن الهمس والملم من قصائدك النجمات
امير انت بلا جدال
تمزق بحرفك اشرعه المحال
تجدد فينا الامال
امام قلمك انحنى قلمى
وامام همسك تلاشى فى الفضاء همسى
فدعنى على اعتاب احزانك ابكى
وفى محراب عشقك الجورى عاكفه اغنى
دمت امير كما تحب
تحياتى
إرسال تعليق